Gjatë ditës së sotme pritet mot me diell por edhe me vranësira të herëpashershme dhe më i freskët sesa dje. Temperaturat maksimale do të arrijnë rreth 27-28 gradë celsius.
Në Shqipëri sot ulje të lehta të temperaturave të cilat pak më të theksuara do të jenë në viset kontinentale, ndërsa në lindje dhe juglindje të vendit si dhe në disa pjesë në qendër mund të ketë edhe rrebeshe shiu me vetëtima dhe bubullimë. Në bregdet do të ketë mot kryesisht stabil por me erëra herë pas here.
Edhe në Maqedoninë e Veriut pritet të depërtojë fronti i ftohtë ajror i cili do të kushtëzojë ulje të lehta të temperaturave, por vende-vende priten edhe rrebeshe shiu me vetëtima dhe bubullimë, kryesisht në perëndim dhe jugperëndim të vendit.
Të shtunën në tërë rajonin pritet të kemi mot kryesisht me diell, por jo shumë i nxehtë, me erëra të freskëta veriore.
Të dielën pritet mot stabil dhe kryesisht me diell. Priten përsëri ngritje të temperaturave, kurse nga e hëna vala e nxehtësisë Afrikane do të na përfshijë edhe ne me temperatura maksimale dukshëm mbi 30 gradë celsius./Meteoballkan
