Sot në Kosovë do të mbajë mot i kthjellët, me diell dhe i nxehtë, me erëra mesatare nga verilindja. Temperaturat maksimale do të arrijnë rreth 28-29 gradë celsius.
Edhe në Shqipëri, Maqedoninë e veriut dhe Mal të Zi pritet të mbajë mot i kthjellët, me diell dhe mjaft i nxehtë.
Nes?r në Kosovë pritet të kemi mot stabil dhe mjaft të nxehtë me temperatura maksimale të cilat do të arrijnë rreth 34-35 gradë celsius në nivel vendi.
Edhe në rajon nesër mot shumë i nxehtë dhe me diell, pra do të kemi depërtimin e masave ajrore mjaft të nxehta me origjinë nga Afrika Veriore.
Të martën pritet kulminacioni i nxehtësisë afrikane. Në Kosovë mot me diell dhe shumë i nxehtë me temperatura maksimale të cilat do të arrijnë rreth 37-38 gradë celsius në nivel vendi. Edhe në Shqipëri dhe tërë rajonin të martën mot i kthjellët, me diell dhe shumë i nxehtë.
Të mërkurën në Kosovë mot mjaft i nxehtë por me ulje të lehta të temperaturave në krahasim me diten paraprake. Pasdite dhe në mbrëmje priten zhvillime lokale të vranësirave konvektive të cilat do të kushtëzojnë rrebeshe lokale shiu me vetëtima dhe bubullimë. Rrebeshe shiu priten edhe në Mal të Zi dhe vetëm në disa lokacione shumë të rralla në Shqipëri dhe Maqedoninë e veriut.
