Sot në Kosovë do të mbajë mot mjaft i ftohtë dhe me fjolla bore. Paradite priten edhe intervale kohore me diell sidomos në Dukagjin. Pasdite do të ketë shtim të vranësirave dhe reshje bore. Në mbrëmje priten reshje të dendura bore vende-vende, por të cilat nuk do të zgjasin shumë. Do të ketë erëra të ftohta verilindore.
Në Shqipëri pritet të mbajë mot me intervale kohore me diell dhe vranësira të cilat do të shtohen pasdite dhe në mbrëmje. Vende-vende gjatë natës mund të ketë fjolla sporadike bore.
Në Maqedoninë Veriore dhe Mal të Zi pritet të mbajë mot mjaft i ftohtë, me vranësira dhe intervale kohore diellore. Në mbrëmje vonë në veri dhe veriperëndim të Maqedonisë priten fjolla bore.
Nga e hëna deri të mërkurën na pret mot me acar të fortë gjatë netëve dhe mëngjeseve ku temperaturat minimale pritet të ulën deri afër -14 – 15 gradë Celsius, në viset malore edhe deri në -18 gradë Celsius. Gjatë ditëve priten më shumë intervale kohore me diell sepse anticikloni do të shtrijë ndikimin e tij mbi rajonin tonë.
Nga e Enjta acari do të fillojë të zbutet, ndërsa në Shqipëri priten reshje lokale shiu të intensitetit të dobët të cilat gjatë fundjavës do të vijnë duke u intensifikuar. Afër fundjavës reshje shiu herë pas here priten edhe në Kosovë veçanërisht në Dukagjin./Meteoball