Sot në Kosovë do të mbajë mot kryesisht i vranët dhe me erëra jugore. Paradite mund të ketë ndonjë interval kohor me diell në ndonjë rajon. Pasdite shtim i konsiderueshëm i vranësira të cilat do të kushtëzojnë reshje shiu. Reshje bore në viset e larta malore. Herë pas here në disa rajone erërat jugore do të jenë të fuqishme.
Në Shqipëri do të mbajë mot i vranët dhe me reshje shiu. Fillimisht në veri, jug dhe bregdet reshjet do të jenë intensive, ndërsa në mbrëmje reshje mjaft intensive priten pothuajse në tërë territorin e Shqipërisë. Në bregdet priten edhe rrebeshe intensive shiu me vetëtima dhe bubullimë. Në viset kodrinore malore në lindje, juglindje dhe veri të vendit reshje të dendura bore.
Edhe në Maqedoninë Veriore pasdite do të ketë shtim të madh të vranësirave të cilat do të sjellin reshje shiu. Vende-vende dhe herë pas here priten reshje intensive shiu. Në viset malore reshje të dendura bore.
Në Mal të Zi pritet mot tërësisht i vranët dhe me reshje intensive shiu. Në viset malore reshje bore. Në bregdet rrebeshe intensive shiu me vetëtima dhe bubullimë.
Të dielën në Kosovë paradite me mundësi për intervale kohore me diell. Pasdite shtim i madh i vranësirave dhe reshje shiu. Në mbrëmje vonë në perëndim, veriperëndim dhe jugperëndim të vendit priten reshje të dendura shiu. Në viset e larta malore reshje të dendura bore.
Në Shqipëri të dielën pritet të mbajë mot mjaft i paqëndrueshëm, gjatë ditës me reshje lokale shiu, ndërsa pasdite dhe në mbrëmje priten reshje të fuqishme shiu të përcjellura edhe me erëra mjaft të fuqishme. Vende-vende priten edhe rrebeshe intensive shiu me vetëtima dhe bubullimë. Reshjet pashmangshëm do të shkaktojnë përmbytje në shumë zona. Reshje të fuqishme shiu dhe erëra të fuqishme priten edhe në Mal të Zi të dielen.
Edhe në Maqedoninë Veriore të dielën paradite ngrohtë, me erëra jugore dhe mundësi për intervale kohore me diell. Pasdite shtim i madh i vranësirave të cilat do të sjellin reshje intensive shiu sidomos në perëndim, veriperëndim dhe jugperëndim të vendit.
Të hënën ulje e temperaturave dhe me reshje lokale shiu. Reshjet do të fillojnë të ulën në intensitet. Në disa vise në Kosovë do të shndërrohen në reshje bore. Gjatë ditës ose pasdite ndërprerje e të reshurave në tërë rajonin.
Sipas ecurive aktuale të martën në Kosovë reshje bore, vende-vende priten reshje të dendura bore. Përpos Kosovës reshje bore priten edhe në lindje, veri, juglindje të Shqipërisë dhe Maqedoninë Veriore. Priten ulje të ndjeshme të temperaturave dhe atmosferë e vërtetë dimërore, me borë dhe erëra të ftohta veriore.
Të mërkurën ftohtë në Kosovë me reshje lokale bore dhe erëra të ftohta veriore./Meteoballkan
