Sot në Kosovë do të mbajë mot me diell dhe i nxehtë. Temperaturat maksimale do të arrijnë deri në 32-33 gradë celsius në nivel vendi.
Në Shqipëri do të mbajë mot i kthjellët, me diell dhe mjaft i nxehtë me temperatura maksimale rreth 34-35 gradë celsius në nivel vendi.
Edhe në Maqedoninë e Veriut dhe Mal të Zi do të mbajë mot me diell dhe mjaft i nxehtë.
Nesër në tërë rajonin pritet të mbajë mot me diell dhe shumë i nxehtë me temperatura maksimale rreth 35 gradë celsius në nivel rajonal duke përfshirë edhe Kosovën. Pasdite vonë në disa vise të veriut të Malit të Zi dhe Kosovë afër kufirit me Malin e Zi mund të ketë zhvillime të vranësirave të cilat mund të sjellin rrebeshe të izoluara shiu me vetëtima dhe bubullimë.
Të enjtën në tërë rajonin do të mbajë mot shumë i nxehtë, por përpos rrezeve diellore do të ketë edhe vranësira./Meteoballkan
