Sot në Kosovë pritet të mbajë mot mjaft jo-stabil. Paradite priten intervale të gjata kohore me diell, ndërsa gjatë ditës ose pasdite priten zhvillime të fuqishme të vranësirave konvektive të cilat pritet të kushtëzojnë rrebeshe lokalisht të fuqishme shiu me vetëtima, bubullimë dhe mundësi për breshër.
Në Shqipëri dhe rajon pritet të mbajë mot mjaft i ndryshueshëm. Përveç intervaleve kohore me diell priten zhvillime të fuqishme të vranësirave të shiut që do të kushtëzojnë rrebeshe të fuqishme shiu me vetëtima, bubullimë dhe mundësi për breshër. Vende-vende mund të ketë kushte për ndonjë shtrëngatë të fuqishme.
Ditëve të ardhshme na pret mot mjaft i ndryshueshëm. Të enjtën presim më shumë intervale kohore me diell, por edhe rrebeshe lokalisht të fuqishme shiu me vetëtima dhe bubullimë. Rrebeshet më intensive të enjten priten në Shqipëri dhe Maqedoninë Veriore.
Mot me zhvillime të shtrëngatave të shiut pritet të kemi edhe gjatë ditës së premte kur vende-vende mund të ketë shira të rrëmbyeshëm, ndërsa temperaturat shënojnë ulje. Për fundjavë reshjet zvogëlohen në Shqipëri, por pritet të vazhdojnë herë pas here në viset kontinentale./MeteoBallkan
