Sot në Kosovë do të mbajë mot kryesisht me diell dhe mjaft i nxehtë. Pasdite mund të ketë zhvillim lokal vranësirash të cilat në ndonjë rajon kodrinoro-malor mund të sjellin ndonjë rrebesh të izoluar shiu.
Në Shqipëri do të mbajë mot kryesisht me diell dhe mjaft i nxehtë. Pasdite në veri të vendit priten zhvillime të vranësirave të cilat mund të sjellin rrebeshe të izoluara shiu me vetëtima dhe bubullimë. Vranësira do të ketë edhe në viset tjera pasdite vonë.
Në Maqedoninë Veriore dhe Mal të Zi pritet të mbajë mot kryesisht me diell dhe mjaft i nxehtë, por në veriun dhe qendër të Malit të Zi priten rrebeshe lokale shiu me vetëtima dhe bubullimë pasdite vonë të cilat mund të prekin edhe ndonjë rajon në Kosovë afër Malit të Zi dhe Shqipërisë.
Edhe ditëve të ardhshme do të vazhdojë të mbajë mot mjaft i nxehtë, por nuk do të mungojnë edhe vranësirat e herëpashershme. Rrallë në ndonjë rajon mund të ketë ndonjë rrebesh apo rigë të izoluar shiu me vetëtima dhe bubullimë./Meteoballkan
