Sot në Kosovë do të mbajë mot kryesisht me diell dhe i nxehtë . Pasdite mund të ketë edhe vranësira por do të mbetet thatë me ndonjë përjashtim shumë të vogël.
Edhe në Shqipëri do të mbajë mot me diell dhe vranësira të herëpashershme. Në disa rajone në jugperëndim mund të ketë ndonjë rigë apo rrebesh të izoluar shiu.
Në Maqedoninë Veriore dhe Mal të Zi pritet të mbajë mot me diell dhe vranësira. Do të jetë mjaft nxehtë. Pasdite në disa rajone të Malit të Zi mund të ketë rrebeshe lokale shiu me vetëtima dhe bubullimë.
Edhe ditëve të ardhshme pritet të mbajë mot i nxehtë, me intervale kohore me diell por priten edhe vranësira, ndërsa nga e hëna pasdite priten rrebeshe lokale shiu me vetëtima dhe bubullimë veçanërisht në Shqipëri duke përfshirë edhe bregdetin./Meteoballkan
