Sot në Kosovë pritet të mbajë mot mjaft i ftohtë, me erëra të ftohta nga veriu. Priten intervale kohore me diell dhe zhvillime të vranësirave të cilat pritet të shoqërohen me rrebeshe afatshkurtra lokale kryesisht në formë dëbore. Mund të ketë edhe breshnicë. Në intervale të shkurtra kohore në disa rajone rrebeshet e bores mund të jenë të dendura që do të japin pamje mjaft të bukura. Temperaturat shënojnë ulje të ndjeshme.
Në Shqipëri, Maqedoninë Veriore, Mal të Zi dhe Kosovën lindore pritet të mbajë mot me vranësira dhe intervale kohore me diell. Temperaturat shënojnë ulje në tërë rajonin, ndërsa lokalisht priten rrebeshe afatshkurtra shiu e bore varësisht nga rajoni.
Mëngjesi i së mërkurës sipas të gjitha gjasave na sjellë acar. Gjatë ditës përmirësim gradual i motit, por priten vranësira lokale (përpos intervaleve të gjata kohore me diell) dhe erërat do të ndryshojnë drejtim dhe do të fillojnë të fryjnë përsëri kryesisht nga jugperëndimi.
Nga e enjta më ngrohtë, ndërsa reshjet lokale rikthehen në fundjavë./METEOBALLKAN