Sot në Kosovë pritet të mbajë mot relativisht i ngrohtë, me intervale kohore me diell dhe shtim të vranësirave. Pasdite vonë dhe në mbrëmje priten riga dhe rrebeshe lokale shiu. Do të fryjnë erëra të lehta dhe mesatare drejtimesh të ndryshme ndërsa temperaturat pritet të luhaten nga 3 deri në 19 gradë Celsius.
Në Shqipëri, Maqedoninë Veriore, Mal të Zi dhe Kosovën lindore pritet të mbajë mot me intervale kohore me diell dhe vranësira të herëpashershme. Rrallë në disa vise vonë pasdite ose në mbrëmje priten riga shiu kryesisht në Maqedoninë Veriore.
Edhe të dielën në Kosovë priten vranësira, intervale kohore me diell dhe riga lokale shiu. Pasdite mund të ketë zhvillime lokale të vranësirave konvektive që mund të kushtëzojnë edhe ndonjë rrebesh shiu me vetëtima dhe bubullimë.
Riga lokale shiu të dielën priten edhe në Shqipëri fillimisht në jug të vendit, pastaj edhe në disa vise tjera, por reshjet parashihen të jenë të pakta. Edhe në Maqedoninë Veriore, Mal të Zi dhe Kosovën lindore të dielën priten intervale kohore me diell, vranësira dhe riga lokale shiu.
Të hënën në Kosovë mot i ngrohtë, me intervale kohore me diell dhe vranësira lokale. Do të fillojnë të fryjnë erëra nga juglindja, ndërsa temperaturat maksimale pak mbi 20 gradë Celsius. Në Shqipëri dhe Mal të Zi të hënën më shumë vranësira dhe mundësi edhe për riga lokale shiu, ndërsa në Maqedoninë Veriore parashihen vranësira dhe intervale kohore me diell. Vende-vende edhe riga shiu.
Pra, sipas ecurive aktuale sinoptike moti më i mirë për 1 Maj do të jetë në Kosovë./MeteoBallkan
