Sot në Kosovë pritet të mbajë mot me vranësira dhe intervale kohore me diell. Vende-vende priten riga kryesisht të dobëta shiu veçanërisht në rajonin e Dukagjinit. Do të fryjnë erëra të lehta dhe mesatare nga juglindja, ndërsa temperatura maksimale pritet të arrijë deri në 20 gradë Celsius. Në disa vise të Rrafshit të Kosovës nganjëherë mund të ketë erëra të fuqishme nga juglindja.
Në Shqipëri pritet të mbajë mot me vranësira dhe në disa rajone me intervale kohore me diell. Vende-vende priten reshje shiu sidomos në jug të vendit ku priten reshje të shpeshta shiu. Riga lokale shiu nesër priten edhe në Maqedoninë Veriore, Mal të Zi dhe Kosovën lindore, por do të ketë edhe intervale të gjata kohore pa reshje. Gjatë natës reshjet e shiut përfshijnë tërë rajonin duke përfshirë edhe Kosovën.
E mërkura sjellë mot mjaft të paqëndrueshëm, me vranësira, intervale kohore me diell dhe rreshje e rrebeshe të shpeshta lokale shiu. Në Shqipëri priten rrebeshe të fuqishme shiu me vetëtima dhe bubullimë. Rrebeshe lokale shpeshherë priten edhe në vise tjera të rajonit, vende-vende intensive./METEOBALLKAN
