Sot në Kosovë parashihet të kemi destabilizim të fuqishëm të atmosferës. Paradite parashihet të jetë ngrohtë dhe me zagushi ku priten intervale kohore me diell dhe vranësira lokale me ndonjë rrebesh lokal shiu. Pasdite priten zhvillime të fuqishme të vranësirave konvektive që do të kushtëzojnë rrebeshe lokalisht të fuqishme shiu me vetëtima, bubullimë dhe mundësi për breshër. Vende-vende mund të ketë rrebeshe mjaft intensive me vetëtima dhe bubullima masive që mund të shkaktojnë vërshime të shpejta. Temperaturat maksimale deri në 24 gradë Celsius, ndërsa me ardhjen e reshjeve pësojnë ulje.
Rrebeshe intensive sot pasdite lokalisht parashihen edhe në Maqedoninë Veriore, veri të Malit të Zi, Kosovën lindore dhe verilindje të Shqipërisë. Në viset tjera të Shqipërisë pritet mot me diell dhe vranësira lokale.
Të martën më freskët dhe më shumë vranësira në tërë rajonin tonë. Priten edhe reshje shiu sidomos në Maqedoninë Veriore. Edhe në Kosovë dhe Shqipëri priten vranësira dhe vende-vende, nganjëherë me reshje shiu.
Mot i ndryshueshëm do të vazhdojë edhe ditëve të ardhshme, me vranësira të shpeshta e shpeshherë edhe me reshje shiu./METEOBALLKAN
