Sot në Kosovë pritet të mbajë mot me vranësira të shpeshta dhe mundësi për intervale kohore me diell. Herë pas here priten reshje lokale shiu më të theksuara në orët e pasdites dhe mbrëmjes kur mund të ketë edhe rrebeshe lokale shiu me ndonjë vetëtimë dhe bubullimë. Temperatura maksimale deri në 20 gradë Celsius.
Në Shqipëri, Maqedoninë Veriore, Mal të Zi dhe Kosovën lindore pritet të mbajë mot me vranësira dhe reshje lokale shiu. Nganjëherë lokalisht mund të ketë ndonjë interval kohor me diell, por në përgjithësi pritet mot i vranët për shkak të ciklonit të fuqishëm në Mesdhe.
Të dielën po ashtu na pret mot kryesisht i vranët dhe me reshje të herëpashershme shiu. Pasdite në Kosovë pritet që reshjet të ndërpriten. Në mbrëmje reshjet pushojnë edhe në Shqipëri dhe Maqedoninë Veriore.
Nga e hëna vazhdon “avazi i vjetër”. Vranësira shpeshta, intervale kohore me diell dhe reshje e rrebeshe të herëpashershme shiu. Temperaturat shënojnë rritje të lehta./METEOBALLKAN
