Sot në Kosovë dhe tërë rajonin tonë na pret mot i ndryshueshëm, me intervale kohore me diell dhe vranësira lokale. Paradite kryesisht pa reshje me ndonjë përjashtim ku mund të ketë ndonjë rigë ose rrebesh shiu në disa vise të rajonit.
Pasdite priten zhvillime të vranësirave të shiut, lokaisht priten zhvillime të fuqishme konvektive që do të kushtëzojnë rrebeshe lokale shiu me vetëtima, bubullimë dhe mundësi për breshër afatshkurtër.
Reshjet nuk do të jenë gjithëpërfshirëse, por aty ku ndoshin lokalisht priten rrebeshe intensive me gjasa për shtrëngata afatshkurtra lokale.
Mot i ngjashëm na pret edhe ditëve të ardhshme. Parashihen intervale kohore me diell dhe vranësira të shpeshta. Pasditeve dhe mbrëmjeve do të ketë zhvillime të shtrëngatave lokale me bubullima. Temperaturat maksimale pak mbi 20 gradë Celsius e në Shqipëri afërsisht deri në 25° ose pak mbi këtë shifër./Meteoballkan
