Sot në Kosovë pritet të mbajë mot me vranësira e intervale të shkurtra kohore me diell. Temperaturat do të vazhdojnë të jenë mjaft të larta për këtë periudhë kohore ndërkohë që rrymimet ajrore nga jugu fuqizohen edhe më shumë. Në veriperëndim dhe veri të vendit mund të ketë reshje të herëpashershme shiu ose ndonjë rrebesh lokal shiu.
Në Shqipëri dhe Mal të Zi pritet të mbajë mot kryesisht i vranët dhe me reshje të herëpashershme, lokale shiu. Vende-vende mund të ketë rrebeshe lokale me vetëtima dhe bubullimë. Mot me vranësira e intervale kohore me diell nesër pritet të mbajë edhe në Maqedoninë Veriore dhe Luginën e Preshevës, por pa ndonjë reshje atmosferike me ndonjë përjashtim.
Moti me vranësira e reshje lokale do të mbajë edhe për ditët e fundjavës. Temperaturat nuk do të pësojnë ndonjë ndryshim. Reshjet do të jenë të karakterit lokal ku në disa zona priten reshje intnsive, por në shumë zona tjera reshje të pakta, ndërkohë që vazhdojnë rrymime të fuqishme ajrore nga jugu./MeteoBallkan
