Sot në Kosovë do të mbajë mot mjaft jostabil. Paradite mund të ketë intervale kohore me diell kurse gjatë ditës apo pasdite pritet rifillimi i reshjeve të shiut. Nga pasditja priten vranësira të dendura me reshje shiu të cilat në mbrëmje vonë ose afër mesnatës do të shndërrohën në reshje të dendura bore. Reshjet e borës do të jenë më të dendurat në mëngjesin e hershëm të së dielës kur do të krijohen shtresa dhe centimetra. Sasia e reshjeve të borës sipas parashikimeve aktuale pritet të jetë nga 5 deri në 25 cm, varësisht nga lartësia mbidetare.Temperaturat gjatë të dielës do të shënojnë ulje të theksuar.
Në Shqipëri sot mot mjaft i ndryshueshëm me reshje të shpeshta shiu. Vende-vende do të ketë edhe rrebeshe të fuqishme shiu me vetëtima dhe bubullimë. Gjatë natës dhe mëngjesit të hershëm të së dielës në verilindje dhe veri të vendit priten reshje të dendura bore. Gjatë ditës së diel reshje bore priten edhe në lindje dhe juglindje të vendit por me intensitet më të vogël.
Në Maqedoni mot kryesisht i vranët dhe me reshje të herëpashershme shiu. Të Dielën edhe në Maqedoni priten reshje bore por me intensitet më të ulët sesa në Kosovë.
Në Mal të Zi priten reshje të fuqishme atmosferike. Në jug rrebeshe të fuqishme shiu me vetëtima dhe bubullimë, kurse nga qendra në drejtim të veriut të vendit me stuhi të fuqishme bore. Të Dielën pritet ndërprerje e të reshurave dhe stabilizim gradual i motit./Meteoballkan.
