Sot në Kosovë do të mbajë mot i ndryshueshëm. Paradite me intervale kohore me diell dhe me zagushi, ndërsa pasdite dhe në mbrëmje me zhvilime të vranësirave të cilat pritet të kushtëzojnë rrebeshe lokale shiu me vetëtima dhe bubullimë. Vende-vende mund të ketë rrebeshe intensive dhe breshër.
Në Shqipëri, Maqedoninë Veriore, Mal të Zi dhe Luginën e Preshevës pritet të mbajë mot me intervale të gjata kohore me diell dhe vranësira të cilat në disa rajone pritet të kushtëzojnë rrebeshe lokale shiu me vetëtima dhe bubullimë. Shumica e territorit shqiptar pa reshje, përpos verilindjes dhe lindjes së vendit ku priten zhvillime lokale.
Të dielën na pret mot i ngjashëm, me intervale kohore me diell, zagushi dhe zhvillime lokale të vranësirave të cilat në disa rajone pritet të kushtëzojnë rrebeshe lokale shiu me vetëtima dhe bubullimë.
Të hënën pritet depërtimi i ajrit të nxehtë afrikan. Priten rritje të ndjeshme të temperaturave, por edhe rrebeshe lokale shiu me vetëtima, bubullimë dhe mundësi edhe për breshër.
Nga e marta na pret mot kryesisht me diell dhe rritje të mëdha të temperaturave. Pritet nxehtësi tropikale dhe temperaturat pritet të arrijnë deri në 35 gradë Celsius, e ditëve tjera edhe më lartë./Meteoballkan
