Sot në Kosovë pritet të mbajë mot i ngrohtë, por mjaft jo-stabil. Priten intervale kohore me diell dhe zhvillime të fuqishme të vranësirave të shiut të cilat pritet të kushtëzojnë rrebeshe lokalisht të fuqishme me vetëtima, bubullimë dhe mundësi për breshër. Vende-vende priten rrebeshe intensive dhe shtrëngata të fuqishme. Reshjet nuk pritet të jenë gjithëpërfshirëse
Në Shqipëri, Maqedoninë Veriore, Mal të Zi dhe Luginën e Preshevës pritet të mbajë mot me intervale kohore me diell dhe zhvillime të fuqishme të vranësirave të shiut. Priten rrebeshe lokale shiu me vetëtima, bubullimë dhe mundësi edhe për breshër.
Të dielën na pret mot jashtëzakonisht jo-stabil. Përpos intervaleve kohore me diell në tërë rajonin priten zhvillime shumë të fuqishme të vranësirave të stuhive të cilat pritet të kushtëzojnë rrebeshe lokalisht të fuqishme shiu me vetëtima, bubullimë dhe mundësi edhe për breshër. Vende-vende priten rrebeshe intensive dhe breshër. Rrebeshe dhe shtrëngata shiu priten edhe në bregdet.
Nga e hëna stabilizim gradual i motit, ndërsa rrebeshet do të jenë më të rralla dhe më të izoluara, ndërsa nga e marta rritje e temperaturave, por ende do të ketë gjasa për ndonjë rrebesh të izoluar shiu me vetëtima dhe bubullimë./Meteoballkan
