Sot përmes Detit Adriatik në drejtim të rajonit tonë do të vijë vorbulla e re ciklonike e cila fillimisht do të kushtëzojë reshje të dobëta bore në Bosnjë dhe Hercegovinë dhe Mal të Zi. Reshjet gjatë paraditës do të përfshijnë Shqipërinë veriperëndimore, kurse gjatë ditës edhe pjesët tjera të Shqipërisë si dhe pjesën perëndimore të Kosovës.
Gjatë mbrëmjes priten reshje të dendura bore në Shqipërinë verilindore, lindore dhe juglindore si dhe në Maqedoninë perëndimore. Në viset bregdetare të Shqipërisë priten reshje shiu kurse në qendër reshjet do të jenë në formë shiu në ultësira dhe në formë bore në viset kodrinore-malore. Reshjet e borës do të përhapen edhe në Kosovë por intensiteti i tyre do të jetë i dobët deri mesatar. Reshje pak më të dendura bore do të ketë në perëndim dhe jugperëndim të Kosovës, kurse gjatë natës së ardhshme reshje bore do të ketë në shumicën e territorit të Republikës së Kosovës të cilat herë pas here do të jenë me intensitet mesatar.
Ditën e Martë në Shqipëri pritet që reshjet të ndërprehen me përjashtim të juglindjes, lindjes dhe verilindjes ku ende priten reshje të dobëta bore, kurse në Kosovë do të vazhdojnë reshje bore të intensitetit të dobët, vende-vende mesatar. Më shumë reshje bore priten në Maqedoni.
Të mërkurën do të kemi një mëngjes shumë të ftohtë kurse gjatë ditës pa reshje atmosferike. Informacione tjera në postimet tona të ardhshme. /Meteoballkan.
