Sot në Kosovë do të mbajë mot jashtëzakonisht i nxehtë dhe po ashtu me zagushi të fortë. Pasdite dhe në mbrëmje në disa rajone priten rrebeshe lokalisht të fuqishme shiu me vetëtima, bubullimë dhe mundësi edhe për breshër. Reshje nuk priten në tërë territorin.
Në Shqipëri, Maqedoninë Veriore dhe Mal të Zi pritet të mbajë mot jashtëzakonisht i nxehtë dhe me zagushi të fortë. Pasdite në verilindje, lindje dhe juglindje të Shqipërisë, perëndim dhe veriperëndim të Maqedonisë së Veriut dhe veri të Malit të Zi priten rrebeshe lokalisht të fuqishme shiu me vetëtima dhe bubullimë.
Të shtunën në Kosovë përpos nxehtësisë dhe intervaleve kohore me diell priten edhe zhvillime të vranësirave konvektive të cilat pritet të kushtëzojnë rrebeshe lokalisht të fuqishme shiu me vetëtima, bubullimë dhe mundësi edhe për breshër. Priten ulje të lehta tê temperaturave.
Në rajon më gjerë, nesër pritet mot kryesisht me diell, por edhe me zhvillime të izoluara të rrebesheve.
Nga e diela na pret mot më i këndshëm, por nuk priten ulje të mëdha të temperaturave. Temperaturat rriten përsëri gjatë fillimit të javës së re./Meteoballkan
