Sot në Kosovë pritet të mbajë mot kryesisht me diell dhe shumë i nxehtë. Temperaturat maksimale pritet të luhaten nga 34 deri në 36 gradë Celsius. Pasdite shumë rrallë në ndonjë rajon kodrinoro-malore mund të ketë ndonjë rigë ose rrebesh afatshkurtër shiu.
Në Shqipëri dhe tërë rajonin pritet të mbajë mot stabil, me diell dhe shumë i nxehtë. Temperaturat pritet të shënojnë rritje të mëtutjeshme.
Edhe të martën na pret mot mjaft i nxehtë me erëra jugperëndimore. Pasdite vonë fillimsiht në veri të Kosovës do të fillojnë të fryjnë erëra veriore të cilat pritet të fillojnë të ulin temperaturat, pastaj erëra veriore do të ketë gati në tërë territorin e Kosovës. Në Mal të Zi dhe sporadikisht edhe në Kosovë priten rrebeshe të izoluara shiu me vetëtima dhe bubullimë.
Të mërkurën në tërë rajonin ulje e temperaturave, megjithatë nuk priten ulje të ndjeshme në Shqipëri. Në Kosovë do të fryjnë erëra të freskëta nga verilindja, ndërsa në Shqipëri nga veriperëndimi. Priten rrebeshe sporadike shiu me vetëtima dhe bubullimë.
Ditëve të ardhshme pak më freskët dhe vende-vende me ndonjë rrebesh sporadik shiu sidomos në Maqedoni./Meteoballkan
