Sonte nata e ndërrimit të motmoteve do ta gjejë rajonin tonë me mot kryesisht të thatë. Në disa rajone në Kosovë do të ketë reshje kryesisht të dobëta bore. Reshje të dobëta bore mund të ketë edhe në juglindje të Shqipërisë.
Nesër do të kemi mot të ngjashëm pra kryesisht të thatë dhe me vranësira. Nga e mërkura do të kemi fillimin e depërtimit të masës së fuqishme të ftohtë ajrore nga Arktiku. Kjo masë ajrore e ftohtë do të vendoset në rajonin tonë tërësisht të Enjten duke kushtëzuar edhe reshje bore. Reshjet më të dendura të borës do të jenë në pjesët kontinetale të Shqipërisë. Reshje bore do të ketë në shumicën e territorit të Republikës së Shqipërisë. Për shkak të fuqisë së madhe të anticiklonit Evropian reshjet më të pakta do të jenë në perëndim dhe veriperëndim të Shqipërisë. Reshjet e borës mund të paraqiten edhe në Bregdetin Shqiptar sidomos në jug dhe jugperëndim.
Reshje të dendura bore do të ketë në plazhet e Adritakut të shtetit Italian. Reshjet më të fuqishme të borës do ti përfitojë Greqia, Turqia dhe Bullgaria. Reshje bore të përcjellura me erëra të akullta veriore do të ketë edhe, në Kosovë por intensiteti i tyre nuk pritet të jetë i madh përpos në viset kodrinore-malore ku mund të ketë edhe furtuna dimërore dhe mund të krijohen orteqe.
Ishte ky parashikimi i përgjithshëm për tërë rajonin tonë. Informacione tjera gjithsesi do të keni në postimet tona të ardhshme.Meteoballkan.
