Sot në Kosovë pritet të mbajë mot kryesisht i vranët dhe i ftohtë, por pa reshje atmosferike. Temperaturat do të lëvizin nga 0 deri në 8 gradë Celsius. Gjatë natës do të fillojnë reshje atmosferike, diku shi e diku borë varësisht nga lokacioni.
Në Shqipëri, Maqedoninë Veriore, Luginë të Preshevës dhe Mal të Zi sot pritet të mbajë mot me intervale kohore me diell dhe vranësira. Më shumë vranësira në jug dhe lindje të Shqipërisë, veri të Malit të Zi dhe Maqedoninë Veriore, ndërsa në viset tjera të Shqipërisë dhe Malit të Zi priten rreze të shumta diellore. Reshje lokale shiu priten vetëm në jug dhe juglindje të Shqipërisë dhe jug e juglindje të Maqedonisë së Veriut. Pas mesnate reshje lokale shiu në shumë zona.
1
Të Enjten na pret mot i ftohtë dimëror, në Kosovë me reshje bore. Në zonat më të ulëta reshje shiu. Në disa vise priten intervale reshjesh të dendura bore dhe shtresa, por jo të mëdha. Reshje bore priten edhe në viset malore të rajonit dhe më së shumti në veri të Malit të Zi. Në viset tjera reshje kryesisht shiu, jo të mëdha.
Të Premten dhe të shtunën mjaft ftohtë, me vranësira dhe reshje të pakta bore. Në jug të Shqipërisë deri në qendër reshje të shpeshta shiu. Rritja e temperaturave do të fillojë të Shtunën, ndërsa të dielen përmirësim i motit./MeteoBallkan
