Sot në Kosovë na pret mot i ftohtë dimëror. Reshjet e borës do të vazhdojnë lokalisht edhe gjatë natës dhe orëve të mëngjesit, ndërsa sot janë ndërprerë për të vazhduar kohë pa kohe në formë të rrebesheve lokale të borës të koncentruara më shumë në viset kodrinore-malore. Reshjet do të jenë të pakta, por në intervale shumë të shkurtra mund të jenë të dendura.
Në Shqipëri sot pritet të mbajë mot i ftohtë, por me tendencë përmirësimi gradual sidomos në zonat mesdhetare. Në viset kontinentale pritet mot dimëror por me pak reshje të reja dhe intervale kohore me diell.Temperaturat shënojnë ulje në tërë vendin
Mot i ngjashëm si në Shqipëri pritet edhe në Mal të Zi, ndërsa në Maqedoninë Veriore dhe Luginë priten më shumë vranësira dhe reshje të lokalizuara bore. Reshjet do të vijnë duke u dobësuar, ndërsa priten intervale kohore me diell.
Java e re fillon me acar, por afrimi i vranësirave të reja nga Mesdheu shkakton zbutjen graduale të acarit. Të hënën vonë priten reshje shiu e bore të cilat të martën pritet të bëhen shqotë dhe shi. Lokalisht duhet pritur reshje të dendura shiu. Të mërkurën ulje e sërishme e temperaturave dhe reshje kalimtare bore vetëm në disa rajone kontinentale./MeteoBallkan
