Siç kemi theksuar edhe në postimet tona paraprake nga nesër do të kemi ndryshim të motit si rezultat i depërtimit të masave ajrore jostabile, apo fushave ajrore me presion të ulët atmosferik nga Atlantiku në drejtim të rajonit tonë. Përpos reshjeve të shiut, priten edhe reshje të përziera me borë, kurse në viset malore vetëm reshje bore.
Në javën e ardhshme do të kemi depërtimin e masave ajrore më të ftohta nga veriu dhe verilindja e Kontinentit. Njëkohësisht nga Atlantiku do të vazhdojnë të depërtojnë vorbullat ciklonike njëra pas tjetrës dhe sipas ecurive aktuale kombinimi i këtyre dy masave ajrore na premton një Dhjetor jashtëzakonisht të pasur me reshje atmosferike duke nënkuptuar shiun por edhe borën. Pas “stabilizimit” të ajrit të ftohtë polar mbi rajonin tonë javën e ardhshme nga Atlantiku priten masa të reja ajrore jostabile apo të lagshta dhe kjo do të krijojë disa ciklone të cilat sipas ecurive aktuale do të na sjellin shumë reshje atmosferike sidomos në gjysmën e dytë të javës së ardhshme. Këtë opcion e mbështet më së shumti modeli më i saktë në botë ECMWF dhe nëse në ditët e ardhshme nuk ka ndonjë “çudi” që do të ndryshonte drastikisht parashikimet atëherë na pret një vazhdim-Dhjetori jashtëzakonisht i pasur me reshje atmosferike (shi dhe borë)./Meteoballkan.
