Moti po kthjellohet dhe në rajonin tonë mbeten aktive mbetjet e masave të ftohta ajrore nga fronti i kaluar i ftohtë ajror.
Për këtë arsye kjo natë do të jetë mjaft e ftohtë, veçanërisht në zonat kontinentale të territoreve tona ku priten “minuse” megjithatë jo aq të thella. Temperaturat pritet të lëvizin afërsisht nga 0 deri në -4 gradë Celsius e në ndonjë rajon malor të rajonit edhe më ftohtë.
Sidoqoftë, dita e nesërme sjellë stabilizim të plotë të motit dhe rritje rapide të temperaturave të cilat ato maksimale pritet të arrijnë pak mbi 10 gradë Celsius, ndërsa në viset mesdhetare normalisht do të jetë dukshëm më ngrohtë.
Dita e diel edhe më ngrohtë në tërë rajonin. Temperaturat arrijnë deri në 15 gradë Celsius në Kosovë, madje mund të jetë edhe më ngrohtë në disa rajone të Kosovës, ndërsa në Shqipëri deri në 20 gradë Celsius./METEOBALLKAN