Për shkak të rrymimeve të ngrohta ajrore nga jugu dhe jugperëndimi temperaturat kanë shënuar rritje mjaft të ndjeshme në rajonin tonë edhe pse gjatë tërë ditës kishte vranësira të shumta dhe riga të izoluara shiu. Në shumë rajone nuk pati fare reshje.
Sonte më së nxehti është pikërisht në Gadishullin Ballkanik për shkak të masave të ngrohta ajrore me origjinë nga Afrika Veriore. Temperatura më e lartë është në Turqi 27 gradë Celsius, ndërsa edhe në Shqipëri është mjaft ngrohtë me temperatura rreth 24 gradë Celsius më e larta. Në Kosovë është më freskët.
Thellë në veri të Evropës ka ende acar ku shihet temperatura -11 gradë Celsius.
Masa të ngrohta ajrore do të mbizotërojnë edhe gjatë ditës, vende-vende me erëra të fuqishme nga jugu dhe jugperëndimi. Nga e hëna ulje të lehta të temperaturave./Meteoballkan