Vala e parë e nxehtësisë tropikale ka përfshirë disa pjesë të Turqisë gjatë dites që lamë pas ku temperatura maksimale e regjistruar në jug të këtij vendi kapi shifren 41 gradë celsius. Temperatura maksimale në Spanjë arriti deri në 31 gradë celsius, në Francë 24 ndërsa më së ftohti ishte në Evropen qendrore dhe Gadishullin Ballkanik. Mjaft ftohtë sot ishte edhe në Kosovë, ndërsa masa më të nxehta ajrore do të depërtojnë tek ne nga dita e nesërme edhe pse pritet që vende-vende të ketë riga apo rrebeshe lokale shiu të përcjellura me vetëtima dhe bubullimë.
Reshjet nuk do të jenë gjithëpërfshirëse por do të jenë të izoluara, por mund të jenë të fuqishme në ato hapësira ku kanë rrezeveprimin. Në disa rajone nuk do të ketë fare reshje. Pra, nesër na pret një ditë tipike pranverore, kurse pasnesër do të kemi shumë më shumë diell, ngritje të mëtutjeshme të temperaturave dhe nuk do të kemi reshje atmosferike./Meteoballkan
