Cikloni tani ka mar formë mbi territorin e italisë dhe është duke sjellë reshje shiu në shumë pjesë të Italisë, vende-vende reshje mjaft të dendura. Reshje më sporadike ka ende mbi Gadishullin Ballkanik dhe është vranët pothuajse në tërë Ballkanin.
Vende-vende ka reshje shiu por reshje nuk janë intensive. Gjatë natës dhe nesër pritet destabilizim i mëtutjeshëm i motit në tërë Gadishullin Ballkanik si rezultat i afrimit të qendrës ciklonike nga Italia. Priten reshje, kohë pas kohe të dendura shiu si dhe vende-vende edhe rrebeshe të fuqishme shiu me vetëtima dhe bubullimë, që nga Sllovenia, Kroacia, Bosna dhe Hercegovina, Mali i Zi dhe Serbia. Këto shtete janë rajone ku potencialisht do të ketë gjatë ditës së nesërme rrebeshe të fuqishme dhe procese të bujshme amtosferike siç është edhe breshëri.
Reshje shiu dhe vende-vende edhe rrebeshe me vetëtima dhe bubullimë priten nesër edhe në kosovë dhe Shqipëri. Pasnesër pritet të kemi mot me intervale të gjata kohore me diell dhe zhvillim vranësirash gjatë ditës të cilat do të kushtëzojnë rrebeshe lokale shiu. Rrebeshe të fuqishme shiu me vetëtima dhe bubullimë priten herë pas here në Shqipërinë veriore dhe veriperëndimore./Meteoballkan
