Sot shkencëtarët amerikanë i kanë dhënë vaksinën e parë eksperimantale një gruaje që është e infektuar me koronavirus.
Prej tani e tutje, shkencëtarët e institutit amerikan “Kaiser Permanente”, që e kanë zhvilluar vaksinën, do të presin me padurim për të parë efektet e para të saj kundër COVID-19.
Kjo vaksinë është zhvilluar në një kohë rekord, pas shpërthimit të virusit në Kinë, që më pas u përhap gjithkund në botë.
“Ne jemi ekipi i njohur me emrin koronavirus tani”, ka thënë Lisa Jackson, shkencëtare në Institutin “Kaiser Permanente” në Uashington, shkruan MeteoBallkan.
“Secili dëshiron të bëj atë që mundet në këtë kohë emergjente”, ka thënë ajo.
“Të gjithë po ndihemi aq të pashpresë, prandaj kjo është një mundësi e jashtëzakonshme për mua që të bëj diçka”, ka thënë pacientja 43-vjeçare, Jennifer Haller nga Seattle përderisa priste të vaksinohej.
Ajo është nënë e dy adoleshentëve. Ajo ka thënë se fëmijët e saj mendojnë se është “cool” që ajo po bëhet pjesë e këtij studimi.
Pas vaksinimit, ajo la dhomën e spitalit me një buzëqeshje të madhe në fytyrë.
“Po ndihem mrekullueshëm”, tha ajo.
Megjithatë, edhe nëse vaksina jep rezultate pozitive, do të duhen disa muaj që ajo të bëhet e mundshme për të gjithë njerëzit, për arsye se duhet të bëhen shumë analiza e teste laboratorike, për të vërtetuar që ndonjë efekt anësor nuk do të dëmtojë shëndetin e të vaksionuarve. /MeteoBallkan/
Burimi: Mother of two becomes first person in the US to get injected with experimental coronavirus vaccine
