Temperatura tropikale kanë përfshirë sot Shqipërinë ku ajo maksimalja ka arritur deri në 35 gradë celsius, ndërsa dukshëm më freskët është në lindje, verilindje dhe juglindje të Shqipërisë. Në Kosovë sot temperatura maksimale po shënon rreth 30 gradë celsius, ndërsa nesër pritet ta kemi pak më nxehtë.
Masat ajrore të thata anticiklonike tani kanë përfshirë rajonin tonë dhe ditëve të ardhshme vetëm se do të fuqizohen, megjithatë nga e premta pritet të kemi depërtimin e një fronti të ftohtë ajror nga veriu i kontinentit i cili do të ndikojë në uljen e temperaturave dhe freskimin e motit.
Nesër në Kosovë temperaturat maksimale do të arrijnë deri në 31-32 gradë celsius e ndoshta në ndonjë rajon edhe 33 gradë celsius, kurse në Shqipëri do të jetë ngjashëm sikurse sot, vetëm se do ketë ngritje të temperaturave edhe aty ku sot është freskët.
Fundjava pritet me diell, me netë dhe mëngjese të freskëta dhe ditë relativisht të ngrohta./Meteoballkan
