Masat e ftohta ajrore që ende janë aktive si pasojë e frontit të ftohtë të fundjavës po na përkujtojnë që ende jemi në stinën e dimrit, megjithatë nga nesër temperatura pranverore do të depërtojnë përsëri në rajonin tonë. Mëngjesi, mbrëmja dhe nata ende do të jenë të ftohta dhe me ngrica, por temperaturat ditore nga nesër do të shënojnë ngritje të ndjeshme. Reshje atmosferike nuk pritet të kemi për arsye të ndikimit të fuqishëm të fushave ajrore të thata anticiklonike.
Gjatë fundjavës pritet të kemi një tjetër front kalimtar të ftohtë ajror i cili mund të kushtëzojë edhe reshje kalimtare atmosferike, por jo në sasi të mëdha. Po ashtu priten ulje të sërishme të temperaturave.
Pra, Marsi ka filluar me mot të ndryshueshëm në aspektin termik, por të thatë në aspektin e reshjeve atmosferike dhe ky trend pritet të vazhdojë me ulje/ngritje të shpeshta të temperaturave./Meteoballkan
