Gjatë ditës së nesërme në Kosovë pritet destabilizim i motit për shkak të kalimit të një fronti të dobët të ftohtë ajror. Si pasojë pritet të ketë shtim të vranësirave të cilat do të kushtëzojnë rrebeshe lokale shiu me vetëtima dhe bubullimë. Temperaturat po ashtu pritet të shënojnë ulje për shkak të erërave veriore dhe veriperëndimore.
Nuk priten reshje të mëdha dhe nuk pritet që reshjet të zgjasin shumë, por nuk duhet përjashtuar ndonjë të fuqishëm shiu.
Rrebeshe të izoluara nesër priten edhe në Shqipëri dhe Maqedoninë e Veriut, por as në Shqipëri nuk priten reshje që do të zgjasin shumë dhe se reshjet do të jenë mjaft të izoluara në territorin shqiptar.. Rënja e temperaturave do të jetë më evidente në viset kontinentale. Edhe në bregdet mund të vërehet një rënie e lehtë afatshkurtër e temperaturave, po nuk pritet përkeqësim i madh i motit në viset bregdetare.
Nga e enjta përmirësim i motit, me alternime mes vranësirave dhe intervaleve të gjata kohore me diell, por mbetet më freskët në viset tona kontinentale dhe më ngrohtë në bregdet. Nga e premta më ngrohtë, ndërsa për fundjavë kemi parashikime kontraverze nga modelet dhe duhet pritur përditësimet e reja për të ditur me saktësi më të lartë ecuritë sinoptike gjatë fundjavës që po vije./Meteoballkan