E Premta sjellë ndryshim të motit sërish për shkak të ardhjes së nje cikloni të fuqishëm nga territori evropian. Fillimisht do të kemi rrymime ajrore nga jugu dhe jugperëndimi, gjegjësisht ardhja e ciklonit do të shkaktojë rritje të temperaturave, ngase masa ciklonike shtynë ajrin e ngrohtë drejt rajoneve tona para se fronti i ftohtë të fillojë të depërtojë duke ulur temperaturat në mënyrë rapide dhe duke shtyrë ajrin e ngrohtë tuje në juglindje.
Pasditen ose mbrëmjen e së premtes gjatë dhe pas rrebesheve intensive të shiut do të fillojnë të fryjnë erëra më të ftohta nga veriu dhe kjo shënon depërtimin e frontit të ftohtë “pas-ciklonik”. Fillon ulja rapide e temperaturave dhe bora në viset malore. Gjatë natës me uljen e mëtutjeshme të temperaturave fjolla bore mund të ketë edhe në disa zona më të ulëta mbidetare, por mos prisni ndonjë borë të madhe. Ajri i fohtë polar depërton gjatë natës dhe mëngjesit të së shtunës duke ulur ndjeshëm temperaturat dhe duke kushtëzuar fjolla të herëpashershme bore në viset kodrinore-malore.
Pra, nesër ngrohtë por me shtim të vranësirave dhe rrebeshe shiu. Gjatë natës dhe të shtunën ftohtë dhe me pak reshje, kryesisht bore në viset malore e disa zona kodrinore-malore.
Moti përmirësohet të dielën gradualisht./MeteoBallkan
