Fillimisht pritet të kemi erëra të ngrohta nga jugperëndimi si dhe reshje lokale shiu të shoqërurara me rrebeshe të lokalizuara me vetëtima dhe bubullimë.
Vende-vende erërat pritet të arrijnë shpejtësinë rreth 50km/h kryesisht në viset kodrinore-malore, pra priten erëra të forta herë pas here, por asgjë ekstreme.
Në mbrëmje me ardhjen e fronti të ftohtë erërat do të ndryshojnë drejtim dhe do të fillojnë të fryjnë nga veriu dhe verilindja. Edhe erërat veriore pritet të jenë të fuqishme, por asgjë ekstreme. Me fillimin e erëve veriore temperaturat do të pësojnë ulje graduale dhe në viset kodrinore-malore pritet të fillojnë reshje bore. Më vonë gjatë mbrëmjes dhe orëve të hershme të mëngjesit reshje bore e shqote priten edhe në disa ultësira në Kosovë.
Të dielën ftohtë dhe me reshje shiu, shqote e bore./Meteoballkan
