Motit stabil dhe të nxehtë po i vije fundi të paktën për disa vise të Shqipërisë, ngase kemi një front të fuqishëm nga Italia i cili nesër pritet të depërtojë me lagështinë e tij në drejtim të veiut dhe veriperëndimit të Shqipërisë ku priten herë pas here rrebeshe të fuqishme shiu me vetëtima dhe bubullimë.
Rajonet të cilat pritet të përfshihen nga rrebeshet e shiut nesër dhe pasnesër janë rajoni i Shkodres, Lezhës e deri në Durrës e Tiranë në viset bregdetare, ndërsa po thuajse të gjitha qarqet në veri të vendit pritet të kenë reshje shiu dhe herë pas here rrebeshe lokalisht të fuqishme. Në viset tjera të rajonit përpos intervale kohore me diell priten edhe zhvillime të izoluara të vranësirave të shiut të cilat herë pas here, vende-vende parashihet të kushtëzojnë rrebeshe të izoluara shiu me vetëtima dhe bubullimë. Në jug të Shqipërisë zhvillimet pritet të jenë më të pakta.
Reshje lokale afatshkurtra shiu nesër priten edhe në Kosovë, dhe vise tjera, por krahasuar me veriperëndimin e Shqipërisë ato mbesin reshje sporadike./MeteoBallkan
