Një masë e ngrohtë ajrore pritet të vijë në rajonin tonë gjatë javës së re, ndërsa temperaturat pritet të shënojnë rritje progresive duke filluar nga e hëna kur priten edhe intervale të gjata kohore me diell.
Gjatë mesit të javës së re temperaturat shënojnë rritje të ndjeshme duke u afruar te shifra 30 në viset kontinentale. Në zonat e ngrohta të rajonit ato do të jenë rreth 30 gradë Celsius. Vala e parë e të nxehtit afrikan fuqizohet afër fundit të javës së re ku temperatura pritet të arrijë shifrën 30 në gati tërë rajonin, ndërsa në viset më të ngrohta ajo mund të arrijë deri në 35 gradë Celsius.
Është kjo vala e parë e nxehtësisë afrikane që vjen pas shumë ditësh, javësh e muajsh me vranësira dhe reshje të shumta atmosferike. Ende nuk dihet kohëzgjatja pasi që parashikimet afatgjata mund të ndryshojnë.
Është pothuajse e sigurtë se moti gjatë javës së re do të jetë shumë më stabil dhe më i ngrohtë, ndërsa për detaje tjera duhet të presim edhe pak./Meteo Ballkan
