Edhe sot pritet të kemi mot kryesisht stabil në Kosovë, kurse nga nesër moti pritet të ndryshojë.
Edhe pse me temperatura të larta nesër, depërtimi i një fronti të ftohtë dhe jo stabil pritet të kushtëzojë reshje shiu dhe rrebeshe lokale shiu me vetëtima dhe bubullimë. Reshjet nuk do të jenë gjithëpërfshirëse nesër, kurse nga pasnesër po. Rrebeshet e shiut nesër pritet të jenë më të mundshme në veri, qendër dhe lindje të vendit, ndërsa në jug dhe perëndim mund të mos ketë reshje fare.
Në Shqipëri nesër reshjet do të jenë të izoluara dhe shumica e territorit pritet të kalojë pa reshje. Po ashtu edhe në Maqedoninë Veriore dhe Mal të Zi priten rrebeshe të izoluara të cilat në ndonjë rajon mund të jenë të fuqishme me vetëtima dhe bubullimë.
Nga e shtuna mot gjithnjë e më jo-stabil në tërë rajonin dhe me reshje shiu e bore në viset kodrinore/malore. Vende-vende priten reshje intensive shiu e bore. Të dielën përpos shiut, shotë dhe borë mund të ketë edhe në disa ultësira në Republikēn e Kosovës.
Java e ardhshme me mot mjaft të paqëndrueshëm, me ulje/rritje të shpeshta të temperaturave dhe reshje të shpeshta atmosferike/Meteoballkan
