Vapa tropikale e ditëve të kaluara do të zbutet pak duke filluar nga nesër, meqenëse në disa rajone edhe sot pasdite do të freskohet nga rrebeshet lokale të shiut që priten. Nesër në rajon do të depërtojnë masa ajrore më të freskëta nga Atlantiku dhe temperaturat maksimale në Shqipëri dhe Maqedoninë e Veriut do të arrijë rreth 31-32 gradë celsius në nivel vendi. . Në Kosovë temperatura maksimale do të arrijë rreth 27-28 gradë celsius, për tu freskuar pastaj nga rrebeshet lokale të shiut me vetëtima dhe bubullimë.
Pra, Afrika do të zbusë ndikimin pak a shumë nga nesër dhe në vend të saj do të vije Atlantiku i freskët. Në nivel rajonal priten edhe stuhi violente, posaçërisht në Kroaci, Bosnë, Serbi dhe Mal të Zi. Nga stuhitë lokale të fuqishme nuk do të jemi imun as ne. Më së paku reshje priten në bregdetin shqiptar dhe atë malazez si dhe në Shqipërinë perëndimore, edhe pse edhe atje mund të ketë ndonjë rrebesh sporadik shiu./Meteoballkan
