Sonte vonë gjatë natës në disa rajone në Kosovë do të fillojnë reshjet e borës dhe kjo vjen si pasojë e afrimit të vorbulles së re ciklonike nga Evropa verilindore. Reshje të dendura bore do të përfshijnë fillimisht Kroacinë, Bosnjën, Serbinë dhe Malin e Zi, pastaj këto reshje do të përfshijnë edhe disa rajone të Kosovës.
Pra, nesër në Kosovë pritet të mbajë mot i vranët dhe me reshje të reja bore, por reshjet prape nuk do të jenë gjithëpërfshirës por do të jenë të karakterit lokal. Në disa rajone herë pas here priten edhe reshje të dendura bore, kurse në disa rajone mund të mos ketë fare. Temperaturat fillimisht do të zbuten pak si pasojë e ajrit të nxehtë parafrontal, por na e hëna pritet përsëri ulje e theksuar e temperaturave dhe rikthim i menjëhershëm i ajrit të akullt Siberian. Reshje më të paktaa bore priten në disa rajone në Maqedoni dhe Shqipëri (lindore dhe juglindore). Nga mesi i javës së ardhshme cikloni i ri do të përfshijë Republikën e Kosovës, Shqipërisë dhe Maqedonisë me reshje të dendura bore dhe shiu. Pasi që kemi koncentrimin e ajrit të ftohtë në shumë rajone në Shqiperinë bregdetare fillimisht reshjet mund të nisin në formë dëbore e pastaj të shndërrohen në reshje shiu. Kjo varet nga temperaturat të cilat do ti “gjejë” masa ajrore e lagësht kur të vije në Bregdetin Shqiptar.
Informacione tjera në postimet tona të ardhshme në meteoballkan.com. /Meteoballkan.
