Qeveria e Republikës së Kosovës ka dalë me propozim-vendimin për masat e reja anti-COVID-19, me qëllim të parandalimit të përhapjes së mëtejme të koronavirusit në vendin tonë.
Këtu parashihet edhe zgjatja e orarit të lëvizjes në 13 komuna.
Nga ora 22:30 deri në orën 5:00 të mëngjesit të ketë ndalim për çfarëdo qarkullimi për komunën e Prishtinës, Prizrenit, Pejës, Podujevës, Gjakovës, Ferizajt, Lipjanit, Drenasit, Vushtrrisë, Mitrovicës Jugore, Gjilanit, Fushë Kosovës dhe Shtërpcës.
Po ashtu vendimi përfshinë edhe zgjatjen e orarit të punës sektorit të gastronomisë.
Me këtë rast, sektorit të gastronomisë i shtohet edhe një orë e gjysmë punë e lejuar.
Me këtë rast, sektorit të gastronomisë i shtohet edhe një orë e gjysmë punë e lejuar.
“Nga data 28 korrik 2020 të gjitha subjekteve që ofrojnë shërbime të gastronomisë (restorantet, kafiteritë, klubet e natës dhe të ngjashme, iu ndalohet funksionimi nga ora 22:30 deri në 05:00 në gjithë territorin e Republikës së Kosovës”.
“Jashtë këtij orari mund të punojnë vetëm në hapësira të hapura duke respektuar distancën prej 1.5 metra hapësirë ndërmjet tavolinave, si dhe shërbimet take-away (merre me vete)”, thuhet në njërën prej pikave të këtij propozim-vendimit”.
