Sot në Kosovë do të mbajë mot i ndryshueshëm dhe me ulje të lehta të temperaturave. Gjatë ditës priten edhe vranësira të cilat vende vende mund të sjellin riga të dobëta shiu kurse në viset malore mund të ketë fluska bore. Era do të ndryshojë drejtim dhe do të fillojë të fryjë nga veriu.
Edhe në Shqipëri mot pothuajse i ngjashëm sikurse sot ndërsa në pjesët kontinetale mund të ndjehet një rënie e lehtë e temperaturave me zhvillim lokal të vranësirave.
Në Maqedoni sot po ashtu mot me vranësira dhe intervale kohore me diell. Temperaturat pritet të shënojnë ulje të lehtë kurse erërat do të vijnë nga veriu.
Edhe ditëve të ardhshme do të jenë me mot të ndryshueshëm por reshje të mëdha nuk priten. Aty këtu mund të ketë riga të dobëta shiu respektivisht bore në viset pak më të larta mbidetare. Temperaturat do vijnë duke u ulur gradualisht. Do të kemi edhe rreze dielli por edhe intervale kohore me vranësira. Sipas ecurive aktuale nga e diela pritet që të fillojnë reshjet dëborës. /meteoballkan.
