Një pjesë e Liqenit të Ohrit në afërsi të “Plazhit të grave” në Strugë është ngrirë. Temperaturat e ulta të cilat arrijnë edhe deri minus 16 gradë Celsius sollën deri në ngrirje të pjesëve më të cekëta të liqenit në Kalishte, Radozhdë dhe në Ohër.
Pjesë të ngrira ka edhe në akumulacionin “Glloboçicë”.
Struganët më të moshuar thonë se dukuria e tillë ka qenë e shpeshtë edhe më herët, respektivisht ka ndodhur që ngrica të arrijë trashësi edhe deri disa centimetra. Por, thonë ata, viteve të fundit klima ka ndryshuar dhe në dimër nuk ka aq temperatura të ulëta si dikur./MIA/
