Siç shihet edhe në fotografinë kryesore rajoni ynë së bashku me Spanjën, Italinë, Francën, Turqinë etj ditëve të ardhshme do të jenë nën ndikimin e masave ajrore relativisht të nxehta që vijna Oqeani Atlantik , Deti Mesdhe dhe Afrika Veriore. Kjo “valë nxehtësie” nuk do të zgjasë shumë sepse nga dita e hënë mbi rajonin tonë do të depërtojë një front i fuqishëm i ftohtë ajror i cili do tl kushtëzojë reshje të dendura shiu nëpër ultësira, reshje bore në viset kodrinore-malore si dhe reshjet e borës do të paraqiten shkurtimisht edhe në viset e ulëta në Kosovë.
Arsyeja kryesore se pse këto reshje në modele paraqiten si reshje shiu është se reshjet do të vijnë para se temperaturat e ulëta të depërtojnë dhe në këtë mënyre shumica e reshjeve të këtij sistemi parashihet të jenë reshje shiu. Nga dita e Martë do të kemi rikthimin e temperaturave të ftohta ku herë pas here mund të ketë reshje të dobëta bore. Gjatë mesjavës së ardhshme sipas ecurive aktuale pritet të mbajë mot kryesisht i thatë, i ftohtë me acar gjatë netëve dhe mëngjeseve por gjithçka do të jetë brenda kornizave normale për këtë periudhë kohore./Meteoballkan.
