Edhe pse në shumë pjesë të Kosovës mbrëmë gjatë natës dhe sot gjatë ditës pati rrebeshe të fuqishme shiu me vetëtima dhe bubullimë, temperaturat kanë shënuar ngritje të theksuar dhe mund të themi se temperaturat sot janë normale apo mesatare krahasuar me periudhën kohore në të cilën gjendemi. Pasiqë kemi ciklonin në territorin e Italisë ne gjendemi në sektorin e nxehtë të masave ajrore.
Se bashku me Kosovën edhe Shqipëria, Maqedonia e Veriut, Serbia, Bullgaria, Greqia, Rumania, Turqia, Ukraina, Bjellorusia dhe shumica e territorit rus mbeten nën ndikimin e masave të nxehta ajrore, megjithatë në shumë rajoni atmosfera është aq jostabile sa që ka prodhuar edhe breshër masiv siç është rasti në Rumani.Nxehtë është edhe në Gadishullin Iberik si në Portugali dhe Spanjë, kurse më së ftohti sot është në Evropen qendrore dhe shumë pjesë të Evropes perëndimore.
Rrebeshe të fuqishme shiu me vetëtima, bubullimë dhe pak breshër përpos verilindjes së Kosovës sot ka pasur edhe në shtetin fqinj në Serbi, pastaj pjesë të Bullgarisë ndërsa atmosfera më ekplozive për momentin është në Rumani. Dy tre ditët e ardhshme në Kosovë pritet të kemi më pak reshje dhe në hapësira më të izoluara gjeografike, që do të thotë se në shumë rajone mund të mos ketë fare reshje, kurse nga fundjava pritet të kemi intensifikim të rrebesheve të fuqishme të shiut me vetëtima dhe bubullimë./Meteoballkan
