Sot gjatë tërë ditës rajoni ynë do të jetë nën ndikimin e masave ajrore të thata anticiklonike. Si pasojë do të kemi mot kryesisht me diell por edhe me ndonjë vranësirë kalimtare, nëpër lugina mund të ketë edhe mjegull, sidomos në mëngjes.
Në Kosovë sot mot stabil dhe me rreze dielli por edhe vranësira kalimtare. Temperaturat do të shënojnë një ngritje të lehtë.
Edhe në Shqipëri mot kryesisht me diell dhe stabill si dhe me ngritje të temperaturave. Ngjashëm do të jetë edhe në Maqedoni.
Të shtunën nga Adriatiku do të na afrohet gradualisht një ciklon, kështu që do të kemi mot pjesërisht të vranëst por relativisht të nxehtë për shkak të rrymimeve ajrore të nxehta nga Mesdheu. Në pjesën veriperëndimore të Shqipërisë pasdite apo në mbrëmje do të ketë riga apo rrebeshe lokale shiu kurse në rajonet tjera do të mbetet kryesisht thatë.
Të dielën cikloni do të përfshijë tërë rajonin ku në Shqipëri do të ketë reshje të reja shiu, vende – vende edhe rrebeshe lokale me vetëtima dhe bubullimë. Reshje shiu të dielën priten edhe në Maqedoni dhe Kosovë. Do të fryjë erë e lehtë deri mesatare nga jugperëndimi. Temperaturat do të shënojnë ulje të lehta për shkak të vranësirave dhe reshjeve atmosferike.
Reshje të kohëpaskohshme dhe lokale shiu priten edhe ditën e hënë në tërë rajonin.Meteoballkan.
