Fenomeni meteorologjik i ngrohjes së menjëhershme të stratosferës (A Sudden Stratospheric Warming) ndodhë shpeshherë gjatë muajve të dimrit, ndërsa mund të influencojë dukshëm ashpërsinë e dimrit. Ky fenomen sivjet po përcillet me interes shumë të lartë nga meteorologë amerikanë, evropian dhe rajonal.
Fenomeni konsiston në dobësimin e Rrethit Polar dhe eventualisht në “copëtimin” e tij në dy ose tri pjesë. Kur kemi rrethin polar më të dobët se zakonisht atëherë ajri i ftohtë dhe i akullt nga rrethi polar depërton në zona tjera gjeografike ose shkon më në jug nga zonat veriore ku e ka vendin. Ky distribuim i ajrit të ftohtë nga veriu në jug influencon pastaj gjendjen sinoptike duke afektuar ciklonet dhe anticiklonet në Hemisferën veriore. Po ashtu do të kemi edhe dobësimin e “jetstrimit” që nënkupton dobësimin e erërave perëndimore që “trasportojnë” ajrin e ngrohtë në Evropë.
Ajri i ngrohtë nga zonat më jugore të hemisferës sonë shkon në veri duke influencuar krijimin e masave ajrore anticiklonike në Atlantikun verior, ndërsa ajri i ftohtë nga veriu ose nga Rrethi Polar vjen më në jug duke fuqizuar ciklonet në zonat mesdhetare, kontinentale apo edhe ekuatoriale.
Sidoqoftë, edhe nëse ndodhë “ngrohja e menjëhershme e Stratoferës” kjo nuk garanton një dimër të sigurtë dhe të fortë, megjithatë është një indikacion shumë i fuqishëm se shanset për dimër më të ashpër janë më të forta.
Edhe zbërthimi i Rrethit Polar nuk dmth, që domosdoshmërisht ajri i ftohtë polar të vjen në territoret tona, por mund të shkojë në Evropë apo edhe larg në Amerikën Veriore, prandaj kemi shumë faktor që ndërlidhen me një dimër me shumë borë dhe kjo është jashtëzakonisht e ndërlikuar për tu parashikuar saktë edhe nga modelet më të avansuara kompjuterike për parashikim të motit. Për këtë arsye gjendja sinoptike është themelore në ecuritë e masave ajrore.
“Ngrohja e Menjëhershme e Stratosferës” sivjet po ndodhë më herët se dimrave të kaluar dhe kulminacionin do ta arrijë në fillim të Janarit. Afërsisht një javë ose dy pas fenomenit që ndodhë lartë në atmosferë-troposferë do të fillojë ndikimi i tij poshtë në motin real në territorin e Amerikes së veriut, Kanadasë ose Evropës e Rusisë. Për këtë arsye do të jetë jashtëzakonisht interesant të përcillen ecuritë sinoptike për këtë Janar dhe Shkurt./MeteoBallkan
