Stratosfera shtrihet mbi troposferë, e cila ndahet nga nënshtresa të quajtura tropopauza, që ka një trashësi 500-3000 metra, dimrit është në lartësi më të vogël, kurse verës në lartësi më të madhe. Ajo nuk është shtresë unike, por e shkëputur me kontaktin e masave të ftohta dhe të nxehta të ajrit.
Ngrohja e menjëhershme e stratosferës apo siç thuhet në gjuhën angleze “Sudden stratospheric warming” (#SSW) është fenomen mjaft i ndërlikuar dhe shumë kompleks, por njëkohësisht edhe misterioz për shkencëtarët dhe meteorologët. Kjo ndodhë disa herë në një Dekadë gjatë stinës së dimrit dhe kur ndodhë atëherë dimri bëhet mjaft i ashpër. Ky fenomen pat ndodhur në vitin 2012 kur të gjithë jemi dëshmitar së çfarë dimri kemi përjetuar atë vit. “Ngrohja e menjëhershme e Stratosferës” po ndodh edhe këtë vit dhe meteorologët po paralajmërojnë se kjo mund të jetë një shenjë se dimri do të jetë i ashpër. Të kuptohemi po flasim vetëm për mundësi apo probabilitet dhe jo për një fakt të kryer.
Rethi Polar është një rreth erërash të fuqishme perëndimore të cilat mbajnë të ngujuar ajrin e akullt në rrethin Polar. “Ngrohja e menjëhershme e stratosferës” mund të ndihmojë në rritjen e fuqishme të presionit atmosferik rreth Skandinavisë dhe Rusisë. Anticiklonet e fuqishme mbi këtë rajon mund të dobesojnë erërat të cilat mbajnë të ngujuara ajrin e akullt në Rrethin Polar dhe si konsekuencë kjo mund të rezultojë me “qarjen” e rrethit Polar dhe “zbarkimin” e madh të ajrit Polar në drejtim të Evropës, Kanadasë dhe Shteteve të Bashkuara të Amerikës. Si rezultat do të kishim kontaktin e ajrit të akullt me ajrin e lagësht nga Mesdheu apo Atlantiku dhe në këtë mënyrë do të krijoheshin ciklone të fuqishme me reshje të fuqishme bore. Reshjet e fuqishme të borës do të pasoheshin nga acare të vërteta dhe të fuqishme dimërore.
Kjo është një shenjë se ky dimër mund të jetë mjaft i ashpër por jo domosdoshmërisht sepse “zbarkimi” i ajrit Polar mund të ndodhë vetëm në Kanada dhe SHBA psh. dhe kjo mund ta linte Evropën nën ndikimin e masave ajrore relativisht të nxehta nga Atlantiku. Po e përsërisim edhe një herë se ne e përmendëm këtë fakt vetëm si probabilitet dhe jo si fakt të kryer. Megjithatë pothuajse shumica e meteorologëve Evropianë dhe sidomos ata rajonal me të cilët kemi kontakte janë të mendimit se na pret një dimër solid dhe shpresojmë të mos ketë ekstreme./Meteoballkan.
