Cikloni i stacionuar në Itali i cili po mban gjendjen atmosferike mjaft jostabile në rajonin tonë ka brenda konstruktit të tij katër qendra ciklonike të vogla të cilat kanë trajektoren e vet seicla prej tyre deri sa të bashkohen të gjitha në një vorbullë të vetme. Në këto raste parashikimi ekzakt i motit është jashtëzakonisht i vështirë sepse edhe modelet më të sofistikuara kompjuterike nuk mund ta “lexojnë” saktë atmosferën. Modelet “lexojnë”ciklonin dhe të reshurat po lokacionin e saktë është e pamundur sepse ende deri më sot nuk ka ndonjë super-kompjuter që mund ta deshifrojë natyren qind për qind.
Ti kthehemi ciklonit tonë i cili do të përmbushet ditëve të ardhshme, mirëpo me lagështinë e tij në shtresat më larta të atmosferës pikërisht mbi rajonin tonë do të krijohet një ciklon i ri i cili do të vazhdojë të qëndrojë mbi Evropen lindore dhe juglindore duke shkaktuar destabilizim të përditshëm të motit me rrebeshe lokale shiu me vetëtima dhe bubullimë. Nesër rrebeshet do të jenë pak më të rralla dhe në disa rajone nuk do të ketë fare, kurse nga e premta e posaqërisht nga fundjava rrebeshet e shiut me vetëtima dhe bubullimë do të shpeshtohen në tërë territorin e Republikës së Shqipërisë, Kosovës, Maqedonisë së Veriut dhe Malit të Zi.
Vende-vende priten edhe procese të bujshme atmosferike si : rrebeshe të fuqishme, vetëtima dhe bubullima masive dhe breshër./Meteoballkan
