Rusia deri më tani ka drejtuar gishtin nga një kamion i cili ndodhej në urë kur ndodhi shpërthimi duke u marrë jetën kështu tre personave. Sipas Kremlinit, “diversantët ukrainas e kryen sulmin vetëm disa orë pas ditëlindjes së Vladimir Putinit.”
Videot tregojnë shpërthimin që trondit urën e Kerçit që lidh gadishullin me kontinentin rus – pavarësisht pretendimeve ruse se ura ishte e mbrojtur me një ekip të sigurisë maksimale, duke përfshirë delfinët sulmues.
Forcat e rendit ruse kanë identifikuar Samir Yusupov, 25 vjeç, nga rajoni i Krasnodarit në Rusi, si pronari i supozuar i kamionit “International Prostar” me ngjyrë të kuqe, i cili, sipas hetuesve, shpërtheu në Urën e Krimesë.
Sulmi mund të shkurtojë furnizimet për forcat e Putinit pasi Ukraina bën më shumë përparime në jug drejt Khersonit. Një pjesë e urës është shembur në det dhe shtatë cisterna nafte në një tren kanë marrë flakë nga shpërthimi.
Linjat e gjata të karburantit po krijohen tashmë në Krime, pavarësisht pretendimeve ruse se ka furnizime të mjaftueshme për të zgjatur dy javë.
Edhe pse Kievi nuk ka marrë përgjegjësinë për sulmin, një zyrtar ukrainas u shpreh se “Putini duhet të jetë i lumtur. Jo të gjithë marrin një dhuratë kaq të shtrenjtë për ditëlindje”, një referencë për ditëlindjen e djeshme të 70-të të presidentit rus.
Ura e hapur nga Vladimir Putin në vitin 2018 ishte menduar të mbrohej nga toka, deti dhe ajri – duke përfshirë një skaner kamioni të teknologjisë së lartë për zbulimin e eksplozivëve.
Megjithatë, pamjet e publikuara tregojnë se kamioni i dyshuar për shkaktimin e shpërthimit po kontrollohet shkurtimisht nga zyrtarët përpara se të lejohej të nisej.
